ახალგაზრდა მეცნიერთა საერთაშორისო
სიმპოზიუმი ჰუმანიტარულ მეცნიერებებში


ახალგაზრდა მეცნიერთა III საერთაშორისო სიმპოზიუმი ჰუმანიტარულ მეცნიერებებში 27-30 ნოემბერი, 2019
სიმპოზიუმის კულტურული პროგრამა

ექსკურსია გრაკლიანი გორაზე

 ივანე ჯავახიშვილის სახელობის თბილისის სახელმწიფო უნივერსიტეტის   არქეოლოგიური ექსპედიციის მიერ აღმოჩენილი გრაკლიანის უნიკალური წარწერა აშშ   ლაბორატორიამ ძვ.წ. XI-X საუკუნეებს მიაკუთვნა. თბილისის სახელმწიფო   უნივერსიტეტის ექსპედიციამ, რომელიც აწარმოებს გათხრებს, წარწერის თარიღის   დაზუსტების მიზნით ნიმუშები მაიამის ბეტა ლაბორატორიაში გააგზავნა. ექსპედიციის   ხელმძღვანელის, თსუ არქეოლოგიის ინსტიტუტის დირექტორის, პროფესორ ვახტანგ   ლიჩელის განმარტებით, მაიამის ლაბორატორიის მიერ დადგენილი თარიღი არის ძვ.წ.   XI-X საუკუნეები, რაც სრულიად უნიკალური მოვლენაა. ექსპედიციის ხელმძღვანელის   ინფორმაციით, თარიღის კიდევ ერთხელ გადამოწმების მიზნით ნიმუშები უკვე   გაგზავნილია იტალიაში.
 2015 წელს გრაკლიანი გორის გათხრების შედეგად დაფიქსირდა, შესაძლოა, ნაყოფიერების ღვთაებისადმი მიძღვნილი ძვ.წ. VII საუკუნის ტაძარი ორი საკურთხევლით, რომლებზეც გამოსახულია ჯერჯერობით უცნობი დამწერლობის ტექსტები. უნიკალური წარწერა სრულიად გამორჩეულ, ინდივიდუალურ დამწერლობას მიეკუთვნება, რომელსაც მსოფლიოში ანალოგები არ აქვს. ახალი აღმოჩენით დასტურდება, რომ 2700-3000 წლის წინ საქართველოს ტერიტორიაზე დამწერლობა გამოიყენებოდა. ამ ფაქტმა და ადრე აღმოჩენილმა მასალებმა, შესაძლოა, ძვ.წ. VII-VI საუკუნეების აღმოსავლეთ საქართველოს, კერძოდ, ქართლის ისტორიის გარკვეული ეტაპიც შეცვალოს.
გრაკლიან გორაზე არქეოლოგიური გათხრების შედეგად ქვის ხანიდან ანტიკურ პერიოდამდე საზოგადოების განვითარების უწყვეტი ციკლი დადასტურდა. სხვადასხვა პერიოდის 11 კულტურული ფენის გათხრის შედეგად აღმოჩენილი არტეფაქტები - პირველყოფილი ადამიანების სამუშაო იარაღები, გვიანდელი პერიოდის საკულტო დანიშნულების ნივთები და სხვა.

 

 

რეგისტრაცია: 

 

__________________________________________________________________________________________

ექსკურსია საქართველოს ეროვნულ მუზეუმში

საქართველოს ეროვნულ მუზეუმში დაცულია: ევრაზიაში აღმოჩენილი უძველესი ადამიანის ნაშთები, უნიკალური არქეოლოგიური და ეთნოგრაფიული ნივთები, ქრისტიანული კულტურის მდიდარი მემკვიდრეობა – ჭედური და ფერწერული ხატები, ჯვრები, ნაქარგობა, ტიხრული მინანქარი; 

ეროვნულ მუზეუმში ასევე ინახება აღმოსავლური ძეგლები, მდიდარი ნუმიზმატიკური კოლექცია, ოქროსა და ვერცხლის სამკაულები ანტიკური კოლხეთიდან, სხვადასხვა დროის ქართველი და ევროპელი მხატვრების შესანიშნავი ნამუშევრები და სხვ.

რეგისტრაცია: 

 

 __________________________________________________________________________________________

ღვინის ტური "Vineria Kakheti"-ში (თოხლიაური, საგარეჯო)

 

"ვინერია გარდენში" თქვენ შეგიძლიათ დააგემოვნოთ ქართული ღვინო, დატკბეთ საუკუნოვანი ბოტანიკური ბაღის ხედებით. ღირებულებაში შედის ღვინის დეგუსტაცია, ხაჭაპურის მასტერკლასი და ვახშამი.

რეგისტრაცია: 

 

__________________________________________________________________________________________

 ბანკეტი რესტორანში "მეტეხის ჩრდილში"

 ქართული რესტორანი „მეტეხის ჩრდილში“ მდებარეობს თბილისის ძველ ნაწილში. იგი   გამოირჩევა მყუდრო გარემოთი და ტრადიციული უგემრიელესი კერძებით. რესტორნის   სტუმრებს შეუძლიათ ისიამოვნონ აგრეთვე ნაციონალური სიმღერებითა და ცეკვებით,   სურვილის შემთხვევაში, თავად გამოაცხონ ქართული პური. რესტორნის გამორჩეული   ტერასიდან შეგიძლიათ დატკბეთ ძველი თბილისის ხედით. რაც შეეხება რესტორნის   კონცეფციას, იგი დაფუძნებულია სპექტაკლზე „მეტეხის ჩრდილში“.

 რეგისტრაცია: 

 

 

 

__________________________________________________________________________________________

 

ტოლერანტული თბილისი კულტურის პოპულარიზაციის ცენტრის ტური თბილისში

 ტოლერანტული თბილისის ტურის ფარგლებში კულტურის პოპულარიზაციის ცენტრი გვთავაზობს შემდეგი ადგილების მონახულებას:  

*ცეცხლთაყვანისმცემლობის უძველესი ტაძარი - ათაშგა,

* სინაგოგა, სომხური ეკლესია, მეჩეთი, კათოლიკური ეკლესია.

* როგორ თანაცხოვრობდნენ და ვითარდებოდნენ სხვადასხვა რელიგიის, რჯულის, ეროვნების ადამიანები ძველ თბილისში.

* თბილისში არსებული სხვადასხვა რელიგიური და ეთნიკური მრავალფეროვნების ცენტრები და მათი ისტორია.

* ებრაული მუზეუმი (სურვილისამებრ, ფასში არ შედის)

* თანაცხოვრების წესები ძველ თბილისში.

რეგისტრაცია: